Multiples opzions pa descubrir o nuestro patrimonio cultural

A Plana de Uesca, por a suya situazión cheografica en zona de transizión, contenió en epoca medieval a frontera entre as dos culturas ispanas dominans. O suyo territorio ye tot un tapiz de contrastes paisachisticos que amás cubillan una suchestiva variedat d’elementos patrimonials.

De tot o patrimonio cultural, os elementos de mayor relieve d’os lugars d’a Plana ubren as suyas puertas a o visitán pa mostrar tota a suya riqueza interior en temporada estival. D’este modo, a ufierta fixa de turismo cultural compuesta por a ziudat de Uesca, a Colechiata de Boleya, o Castiello de Lobarre e a Ilesia de San Miguel de Fozes d’Ibieca, que ubren tot l’año, se complementan de verano con monimentos a saber qué interesans e zentros expositivos d’atras chicotas localidaz d’o territorio, ufrindo asinas un amplo ventallo d’opzions pa o visitán.

Asinas podrá conoxer e almirar as nuestras fitas de l’arquitectura romanica e os suchestivos conchuntos de pinturas murals d’o gotico linial conservaus en os suyos templos d’orichen, e podrá de vez comprender o pasau d’os nuestros lugars a traviés de diversas muestras de patrimonio etnografico rural.

O visitán alcontrará as “Puertas Ubiertas” en A Plana.

logo EDEN    FINALISTA

♦ Este programa ye estau rezienmén galardonau como finalista d’os “Premios Eden” e por ello s’integrará en o rete europeu de Destins EDEN, de destins emerchens d’exzelenzia e sostenibilidat: veyer notizia

   VEYER NOTIZIA.

  

Amás, musica e patrimonio: Programa "EnClaves"

 

EC CARTEL WEB 150

 

EnClaves plenará este verano de musica os monimentos d’a Plana

Igualmén, o Ziclo de Musica e Patrimonio EnClaves con Puertas Ubiertas programará conziertos con algunos d’os más destacaus interpretes de musica clasica española en que a suya actuazión dialoga con entornos patrimonials localizaus en puestos emblematicos d’a Plana de Uesca.

A entrada ye libre e gratuita dica completar l’aforo, coinzidindo muitas d’as localizazions con espazios que cuentan con servizio de visitas u atenzión a o turista dentro d’o programa Puertas Ubiertas.

>> VEYER PROGRAMAZIÓN 2018.

>> CATÁLOGO DETALLADO ARTISTAS 2018.

 

 

Visita virtual del mes - Marzo

turismo familiar