Impresionán templo romanico que, encara inacabau, fue declarau Monimento Nazional. Cuenta con tres naus e cabezera con triple abside. ye magnifica a suya portalada, en a que se i observa o relieve d’a Epifanía en o timpano.
En o interior a decorazión d’os capitels ye figurativa e abstracta, de gran valor. Os treballos escultoricos d’o templo se relazionan con os mayestros d’as claustras de San Chuan d’a Peña e San Pietro o Viello. O gran numbro de marcas de piquero diferens que s’aprezia en os sillars fa pensar en o volumen d’operarios implicaus en esta obra de gran envergadura, que por diferens motivos no podió estar concluida.
Situada en o extrarradio d’a localidat, se i azede por un camín, transitable tamién pa veiclos.
Telefono: 974380533
Visita: Contactar con o Conzello.
De verano, ubierto dentro d’o programa "Puertas Ubiertas". Resto de l’año, demandar as claus en a Residenzia d’a localidat.
