Os mallos de Riglos son conoxius amplamén por toz os afizionaus a la escalada. Sin duda, este eszenario ye idonio pa la practica d’este esporte por estar formau por parez de conglomerau de más de 300 metros de vertical, que a prinzipal caracteristica son os “bolos” , que son o prinzipal emparo pa os escaladors.

Os diferens sectors d’escalada en Riglos son: O Firé, o Zirco de Verano, O Pisón, O Puro, O Mazizo de Pisón, Os Volaus, O Cuchillo, O Melchor Frechín, A Visera, Os Mallos Chicos e os Boulders de Riglos.

Cuenta con unas 200 vías d’entre 200 e 300 m, fuera d’a zona de cantillos e d’os mallos chicos, do apenas supera os 100 m. L’azeso dica a zona d’escalada de cualsiquiera d’os sectors ye o lugar de Riglos.

Ye aconsellable que t’asesores por profesionals pa disfrutar d’esta actividat e contactes con empresas de turismo activo d’a comarca.

Proxima a Murillo de Galligo

AZESO: dende Murillo s’azede a las Ferratas sud e ueste. Esbarrar-se enta a localidat d’Agüero, por a carretera dica o punto kilometrico 2, do chiramos a la dreita. Continuamos pista-pista un kilometro e meyo. Dimpués chiramos ta la dreita. Dimpués de trescruzar o barranco, a bels metros, deixar o coche. Dende aquí, en 20 menutos a piet por un camín siñalizau que nos conduz a la paret.

ITINERARIO: pa a Ferrata Sud, dende o pedero d’a Peña Arruaba se pilla enta a dreita una endrezera, siñalizada con trianglos royo e amariellos, dica a primer sezión de cadenas. Pa la Ferrata Ueste, l’azeso ye más complicau. Tomamos ta la zurda pasando baxo o gran teito d’a Cueva d’a Calva e alcanzar a ladera de l’atro costau d’o barranco. Travesar o paso de Varella Portillo, en o cobaxo, e con o espolón e a breca en a punta a la envista, enfilar ta o pedero d’un gran espedregal, dica alcanzar os primers gafes e cadenas.

COORDENADAS D’INIZIO: X684023 / Y4691464

• En Riglos.

AZESO: dende o lugar prenemos o PR enta o Paretón d’os Vutres. Un poco más adebán enta a Peña de San Chusto e nos azercamos a la vía ferrata. A tornada ye a o final d’a vía ferrata dica trobar o camín de puyada.

ITINERARIO:Iniziamos a vía ferrata por una suzesión d’anclaches e de cables que nos va puyando por tot o paretón a la dreita d’a Peña San Chusto, enta o Mirador d’os Vutres. O deszenso se fa en rápels e desarrapinches aseguraus enta a Fuen d’os Cleigos, pa retornar ta o camín de puyada.

COORDENADAS D'INIZIO: X689134 / Y4690365

Caudal escaso. No cal nadar en as suyas pozetas.

Dificultat d’o deszenso: 11 rápels e recaixos.

Equipamiento actual d’o barranco: 2 parabolts en cada instalazión de rapel.