Espectaculars a la vista e inmillorables pa a practica d’a escalada son estas grans parez verticals u arredonidas formadas por rocas u conglomeraus, que aquí se denominan “mallos” e que son caracteristicos d’a Plana de Uesca.
Algunos, como abrás visto en atractivas imáchens, presientan colors royiscos debiu a os materials ferruchinosos que contienen, que s’azentúan a o cabotarde.
Una visita a os Mallos de Riglos, Vadiello e Agüero, asinas como a o Salto de Roldán te permitirá d’observar aves rapazes, disfrutar d’a naturaleza en perfecto estau de conservazión, practicar escalada e apaxentar a vista con un espectaclo unico.
 y Peña Ruaba.jpg "06. Mallos De Riglos (vista Posterior) Y Peña Ruaba")
.jpg "08. Salto De Roldán (vista Posterior)")
Folletos descargables:
Impresionans e unicas son as envistas que muestran o conchunto formau por os mallos de Riglos e as casas d’o casco urbano, visters dende cuantos puntos d’o territorio; algunas presientan estampas tan bellas como a vista a o cabotarde dende Murillo, u a más extensa dende o Mirador d’os Vutres.
Parez verticals que alcanzan os 300 metros d’altura, asentadas chunto a o lugar e a o curso d’o riu Galligo estos conglomerados calsinosos se formoron en o Terziario e fuen más tarde erosionaus por l’agua, a pluya e o viento dica formar as parez actuals, de color royisco debiu a la existenzia de fierro e archilas que resulta espectacular a l’atardexer. Formazions como o Puro, Mallo Pisón, Mallo Visera e Mallo Firé constituyen os mallos de Riglos.
Riglos e os suyos mallos son un paradiso para os escaladors, entre qui son famosos e conoxius internazionalmén, e pa as aves rupicolas, que tienen o suyo abitat en as multiples oquedaz que se produzen en os mallos. Estas aves, as más d’ellas rapazes protechidas, pueden veyer-se sobrevolando o territorio.
Pa completar a visita, se ye creau un zentro d’interpretazión d’aves carnuzeras en Riglos, ARCAZ, que dedica un amplo espazio a o vutre.
.jpg "2. Mallos De Riglos (vista Posterior)")
** Puedes saber más a través de la Web de la Ruta Geológica Transpirenáica.
Machestuosos se levantan estos monolitos de piedra chunto a o casco urbano d’Agüero, que fan d’a localidat o suyo siello d’identidat.
Estos mallos son feitos por conglomeraus orichinaus por l’acumulazión de particulas solidas prozedens d’a destruzión d’os relieves pirinencos, depositada a o pedero d’a montaña por o riu Galligo, formando un gran cono de deyezión. L’aspecto actual d’os Mallos ye fruito d’a erosión. A forma e altura los convierten en puesto idónio pa a practica d’a escalada e atros esportes, amás de pa la observazión de colonias de rapazes, que fan niedo en este medio.
Entre as formazions, o monolito de Peña Sola, creau por fractura d’una gran masa, sobrepasa os 200 metros en a suya vertién ueste. Pa a escalada existen cuantas vías por Peña Sola. No son mallos guaire alters, pero son poco masificados pa este esporte.
En un entorno singular e espezialmén bello con o entibo d’o mesmo nombre en a part zentral, se levantan estas formazions de conglomeraus, grans parez verticals aisladas, denominaus mallos. Os d’aquí son conoxius como os Mallos de Ligüerri, e son dominados por os monolitos a Nitra e o Puro, chunto con o barranco d’Isarre en que s’alcuentra l’armita de San Chinés. Un atro d’os simbolos petrios de Vadiello e o “Uevo de San Cosme”. Una larga lista entre la que se i alcuentran a Trunfa, os Pepes, tamién clamaus mallos d’A Liana, Lazas, as Crenchas d’o Borón, o pico San Chorche, más os barrancos d’Escomentué, d’o Diaple, de Lazas e a Canal d’o Palomo, en os que se i puede veyer buena cosa de vutres.
Os mallos d’esta zona son retunos e forman un mazizo petrio ideal pa os amans d’a escalada.
Zercano a la ziudat de Uesca, este parache extraordinario e solenco, d’imponens parez rocosas e dende o que s’atalaya un magnífico paisache, en o sector norozidental d’o Parque Natural de Sierra e Cañons de Guara, rezibe o nombre en onor a uno d’os personaches más lechendarios d’a Edat Meya, o valeroso caballero galo Roldán. Cuenta a lechenda que cuan Roldán, a o mando d’a retaguardia d’o exerzito carolinchio, se retiraba enta Franzia, ostigau dende o sud, fue arrodiau en a peña de San Miguel. Roldán, pa liberar-se de qui l’acazaban espolió o suyo caballo que, d’un salto, alcanzó a peña d’enfrén, sortiando l’abismo, dexando marcadas as suyas pisadas en a mesma roca.
O Salto de Roldán ye formau por dos impresionans mallos, a peña San Miguel (u de Sen) e a peña d’Amán (u de Men), formazions vertichinosas verticals de conglomeraus, entre las que discurre o riu Flumen.
Os mallos se son formaus por a erosión d’o riu sobre os distintos nivels de conglomeraus depositaus en a era d’o Terziario. Toz os mallos cuentan con distintos nivels de dureza d’a roca. Bella vez, a roca se fractura formando mallos aislaus, como o caso d’a Peña d’o Flaire.
Este tipo d’ambiens cheolochicos e con variazión de corriens d’aire son l’abitat preferiu de numbrosas aves rapazes, destacando-ne o vutre, que aproveita as oquedaz d’a roca.
.jpg "1. Salto De Roldán (vista Posterior)")
