Rincones especiales
A Sotonera e laberca d’Alboré
Uno d’os prinzipals atractivos d’A Plana son os suyos umedals, labercas e entibos, un conchunto d’abitats exzepzionals pa la conservazión d’a biodiversidat. Entre els destaca con luz propia Alboré, una laguna que forma parte actualmén d’o embalse d’A Sotonera.
A suya situazión a os piez d’os Pirineus li atorga un inmenso valor estratechico, sobre tot en o contexto d’o faszinán e enigmatico fenomeno d’as migrazions d’as aves. En as aguas poco profundas e en as marguins, ribetiadas de tamarizals, se i puede intuir a vida, esbulligando d’ibierno cuan as bandas d’anatidas e atras aves acuaticas establexen aquí a suya casa temporal.
Pero a observazión ornitolochica ye de norabuena cuan en a denominada migrazión prenunzial, pa fin d’ibierno, se i conzentran dezenas de mils de grudas que utilizan A Sotonera e Alboré como descansador, antes de sobrevolar a cordillera con destino ta o norte d’Europa.
Peña de Mediodía en Piracés
Siluetas rocosas en un paisache evocador, esculpiu por un agua invisible, por un viento inaudible. Plataformas, talladas e escarpes rocosos rivalizan audazmén con a luz d’o crepusclo. As suyas formas talladas por a erosión parexen diferens seguntes a perspectiva con que nos las miremos.
Peña Medodía es ye fantesía cheolochica e, como numbrosos atros relieves d’as sierras d’o sud d’a Plana de Uesca, posei una personalidat propia.
Esta peña ye un inmenso banco d’arenisca de 80 metros de largaria e 25 metros d’altaria. Dende a suya posizión privilechiada en a localidat de Pirazés, domina un inmenso territorio, un emplazamiento estratechico que ye estau utilizau como talaya pa la construzión d’una fortaleza arabe en os sieglos IX e X. Merex a pena de puyar ta la zima pa descubrir os suyos vestichios e pa, prou que sí, disfrutar d’a estupenda envista.
