Observazión d'aves

Enclau estratechico pa la suya observazión

A unión de dos factors, como son o mosaico d’ambiens d’a Plana de Uesca que configura enormes posibilidaz de paisaches e abitats pa as aves por un costau, e l’abundanzia de zonas protechidas, como as ZEPAs (zonas d’espezial protezión pa as aves), seis en total, por atro, atorga a esta comarca un prestichio nazional e internazional en cuanto a turismo ornitolochico.

Dentro d’os barrancos calsinosos d’A Plana mora una d’as mayors conzentrazions de aves rupicolas de tota Europa, e dentro d’éstas, una nutrida presenzia d’aves rapazes, aves éstas carnivoras, reconoxibles por o suyo pico reganchau e as suyas garras fuertes e embanadas.

As más relevans son os vutres por o suyo numbro, e o cluxiuesos por estar una espezie en vías d’extinzión (amás, ye l’unico ave d’a planeta que s’alimenta de uesos) que aquí disfruta d’uno d’os pocos reductos europeus en que encara i permanex.

A sierra de Guara e o denominau Reino d’os Mallos han esdeveniu verdaders paradisos pa a observazión de rapazes rupicolas. Voletas, vutres, alicas, o zitau cluxiuesos u esparvero blanco.

Sobre os zielos d’os conglomeraus e barrancos que traviesan a comarca se pueden distinguir as caracteristicas siluetas de cada una d’estas grans rapazes, planiando con maestría a mercé d’as corriens d’aire.

En diferens puntos d’A Plana se son abilitaus espazios, tanto zarraus como a l’aire libre, que constituyen verdaders observatorios pa o disfrute e estudio d’estas aves. Puez alcontrar-los en as localidaz de Riglos e en Santa Zilia de Panzano.

Antiparte d’aves rapazes, as aves limicolas tienen o suyo abitat en os umedals d’o plano d’a Plana: os umedals d’a Laberca de Valdabra, la de Loreto e la de Cortés, en Chimillas, totas a escasos kilómetros a o sud de Uesca, e más que más o conchunto d’a Laberca d’Alboré e o entibo d’a Sotonera, estas zagueras cubillando amás una importán poblazión de grudas, en estar o descansadero más próximo a la cordillera pirinenca.

Folletos descargables: 

• Miniguía de ornitología de la Hoya de Huesca y Mapa de avistamiento de aves
• Mapa dónde_ver_aves_en_ARAGÓN.pdf  
• Ruta ornitológica 4 ruta_Sierra_Caballera.pdf
• Ruta ornitológica 5 ruta_Parque_Natural_Sierra_y_Cañones_de_Guara.pdf
• Ruta ornitológica 6 ruta_Huesca_y_alrededores.pdf

Zonas de observación: