Escalada en vias ferratas
As vías ferratas son itinerarios esportivos que transcurren por parez rocosas, con elementos artifizials que fazilitan a progresión, a traviés d’escalerons, clavillas, gafes, pasamans, cadenas, puens, etc., e a seguranza ye garantizada en tot o recorriu grazias a un cable d’azero. As vías ferratas no exichen tanta preparazión fisica como a escalada e o material e tecnicas que cal fer servir son más senzillas. Con tot e con ixo aconsellamos contratar os servizios d’un profesional pa disfrutar e prever cualsiquier contratiempo. Ye menester de disposar d’un seguro que cubra os risques propios e a terzers. Se recomienda de federar-se en montaña, fer bel curso de formazión si no se contrata un profesional.
En a Plana de Uesca emos equipau seis vías ferratas pa tú. Disfruta-las!
Canal d’o Palomo
Este barranco no permite, en l’ aszenso, d’entrar en as pozas. S’alcuentra proximo a Santolaria.
AZESOS: dende a chopera que b’ha chunto a la carretera de Vadiello se troba deseguida a vía ferrata. O retorno se fa dende lo alto d’a vía ferrata, en o zirco d' O Ziego.
ITINERARIO: por tota a canal, evitando as pozas, por una suzesión de recaixos que van por zonas verticals e en bel caso pasos atleticos. Termina en o zirco d' O Ziego.
COORDENADAS DE INIZIO: X724079 / Y4680016
Vía ferrata d’a Peña de San Miguel
En Santolarieta.
AZESOS: por a carretera que va a o pantano de Zienfuens, dica l’aparcadero preparau pa la puyada ta la peña de San Miguel.
ITINERARIO: sale dende l’aparcadero e va pasando por debaxo d’o torretón final d’a Peña de San Miguel, en direzión sud. O camín s’estreita dica requerir una instalazión de cable pa protecher a marcha. Continúa por a mesma vía dica plegar en a collata que desepara a Peña de San Miguel d’os atros Mallos.
Dende allí se plantean dos propuestas:
-Una que puya enta a punta d’a Peña.
-Una atra que continúa dica alcontrar-se con o camín normal d’a Peña.
COORDENADAS D’INIZIO: X715752 / Y4681745
Vía ferrata de Peña Amán
En Santolarieta.
AZESOS: dende Nueno u Uesca por a carretera que puya ta o pantano de Zienfuens dica l’aparcadero d’a Peña de San Miguel.
ITINERARIO: dende l’aparcadero salimos a piet en direzión ta o Barranco do continuamos a puyada enta a Peña. Se retorna por o mesmo camín.
COORDENADAS D’INIZIO: X718574 / Y4679688
Vía ferrata de Peña Arruaba
Proxima a Murillo de Galligo
AZESO: dende Murillo s’azede a las Ferratas sud e ueste. Esbarrar-se enta a localidat d’Agüero, por a carretera dica o punto kilometrico 2, do chiramos a la dreita. Continuamos pista-pista un kilometro e meyo. Dimpués chiramos ta la dreita. Dimpués de trescruzar o barranco, a bels metros, deixar o coche. Dende aquí, en 20 menutos a piet por un camín siñalizau que nos conduz a la paret.
ITINERARIO: pa a Ferrata Sud, dende o pedero d’a Peña Arruaba se pilla enta a dreita una endrezera, siñalizada con trianglos royo e amariellos, dica a primer sezión de cadenas. Pa la Ferrata Ueste, l’azeso ye más complicau. Tomamos ta la zurda pasando baxo o gran teito d’a Cueva d’a Calva e alcanzar a ladera de l’atro costau d’o barranco. Travesar o paso de Varella Portillo, en o cobaxo, e con o espolón e a breca en a punta a la envista, enfilar ta o pedero d’un gran espedregal, dica alcanzar os primers gafes e cadenas.
COORDENADAS D’INIZIO: X684023 / Y4691464
