(Sasamarcuello)

Dimpués de trescruzar a localidat de Sasamarcuello ranca dende o suyo cabo norte una pista forestal en perfecto estau que conduz ta o mirador. Dende este pueyo ornitolochico s’obtienen magnificas envistas sobre os Mallos de Riglos.

S’alcuentra perfectamén adaptau a las personas con mobilidat reduzida e discapazidat visual. Disposa de plazas d’aparcadero e una rampa d’azeso que leva ta o mirador. Este mirador cuenta con una siñalizazión interpretativa en braille e altorrelieve.

No cal deixar de veyer: a Paret d’os Vutres, do se localiza una d’as mayors colonias de vutre d’Europa.

Infraestructuras adaptadas dende do atalayar espectaculars paisaches e formazions rocosas e disfrutar d’a observazión d’aves, en enclaus singulars d’o Parque Natural d’a Sierra e Cañons de Guara.

Mirador d’o Salto de Roldán. (Santolarieta.)

Antes d’azeder ta o lugar, cal continuar por una pista que conduz t’a collata d’o Salto de Roldán.

Mirador d’o Entibo de Guara (u de Calcón). (Aguas.)

Entre as localidaz d’Aguas e Coscullano, s’azede por carretera direzión a o Entibo de Guara.

Observatorio d’aves. (Santa Zilia de Panzano.)

En cobalto d’o lugar sobre o fumaral d’o mesmo nombre e a pedero d’o Tozal de Guara.

Mirador de Vadiello. (Loporzano.)

En o entibo de Vadiello, dimpués de cruzar a presa.

(Bolea)

Bien d’Interés Cultural.

Soberbio templo ubicau en o cobalto de Boleya (carrera Ferrerías, s/n), dominando perfectamén o plano d’A Sotonera (a o sud) e a sierra de Caballera (a o norte). Se trata d’un potén edifizio transizional d’o Gotico a o Renazimiento construiu en o sieglo XVI con una choya que ye, sin nenguna duda, o suyo machestuoso Retablo Mayor policromau, realizau entre 1490 e 1503 por o Mayestro de Boleya e compuesto de vinte tablas pintadas a o temple e 57 tallas de fusta policromada.

As personas con mobilidat reduzida pueden plegar-bi con veiclo dica a mesma entrada d’o templo, a traviés d’un viero d’azeso auxiliar que conduz dica a colechiata. Dende allí, o itinerario de 50 m se fa por pedamen liso e uniforme de piedra. L’azeso a o interior se realiza por una rampa plegable de lonchitú, que requiere de l’aduya d’una persona. En o interior d’o edifizio se puede fer un itinerario de cota zero, pa contemplar o retablo e as demás capiellas laterals.

Tel. 649 655 125

www.colegiatadebolea.es

(Uesca)

Bien d’Interés Cultural.

Ye una ilesia romanica levantada entre os sieglos XII e XIII, en a que destaca a suya bella claustra d’o periodo en que fazió las vezes de monesterio benedictino. Posteriormén, e dica os nuestros días, ye o Panteón Reyal d’algunos d’os primers reis d’Aragón.

Una rampeta de fusta posibilita l’azeso a o templo, entre que una atra rampa plegable d’aluminio conduz ta a claustra romanica. Por ixo, pa superar este segundo paso, totas as personas con mobilidat reduzida han d’ir acompañadas.

Tel. 974 222 387

www.sanpedroelviejo.com