As sierras d’o norte d’esta comarca constituyoron a frontera medieval entre as poblazions cristianas d’o norte montañoso e as plazas musulmanas d’a fértil planura sud.
Recorrer a Plana de Uesca te treslada ta aquels tiempos preteritos do o rete de torres e castiellos rocazers sirvioron pa l’abanze cristiano en tiempos d’a Reconquista. A posterior cristianizazión d’os pueblos fue irradiada dende os monesterios e ilesias parroquials d’epoca romanica, abundans en este territorio, que con o esdevenir d’os tiempos s’enriquioron con pinturas murals de gran belleza u magnificos retablos.
Como complemento d’estas obras de primer orden, atros elementos d’indole etnografica e de claro orichen medieval chapurquian este territorio, como puens, molins, fuens, lavaders, pozos fuen, pozos de chelo, armitas rupestres u elementos de protezión d’os lugars e as casas, éstos espezialmén en as zonas de montaña.
Patrimonio d’o Medievo en a Plana de Uesca:
ASITIOS E DEFENSAS. CASTIELLOS, TORRES E FORTALEZAS:
Castiello de Lobarre, Castiello de Montaragón, Castiello de Marcuello, Salto de Roldán, Muralla de Uesca, Muralla e conchunto urbano d’Antillón, castiello d’Almudébar.
RELICHIOSIDAD EN O MEDIEVO.
Templos Medievals indispensables: Santiago d’Agüero, Seu de Uesca, Colechiata de Boleya, San Pietro o Viello, San Miguel de Fozes, San Miguel de Varluenga, Santa María d’o Mon, Ilesia de Pertusa.
O norte d’o mudéchar
L’arquitectura mudéchar, levantada por mans musulmanas baxo dominio cristiano, ye uno d’os siñals d’identidat patrimonial d’Aragón. A suya belleza, calidat e singularidat li han atorgau o reconoximiento de Patrimonio d’a Umanidat. Os elementos más destacaus s’alcuentran en Teruel, pero os exemplos situaus más enta o norte en a cheografía aragonesa son en a Plana de Uesca. A esvelteza d’as torres se puede disfrutar en Alcalá de Gurrea, Montmesa u Nueno.
Relichiosidat popular en roca e silenzio: armitas rupestres en A Plana
Os templos d’a “ruta d’o silenzio”, nombre evocador que recopila os prinzipals eremitorios rupestres que puez veyer en a Plana de Uesca, se levantan toz els en paraches solencos e de singular belleza. Se trata d’edifizios de chicota grandaria, per un regular construius en o periodo romanico anque con añadius posteriors. Amás d’o enclau e d’a valor arquitectónica d’o templo i alcontraremos vutres e atras aves rapazes asinas como interesans espezies de flora rupicola.
L’azeso a estas armitas rupestres requiere practicar senderismo; manimenos o suyo interés cultural-etnografico-senderista e paisachistico las fan merexederas d’una visita.
Consulta l’apartau Ruta d’o Silenzio
Visitar
Consulta aquí os orarios e contactos actualizaus d’os elementos patrimonials d’a Plana de Uesca:
