Bien zerca d’o lugar de Lobarre, a 1071 metros d’altura e a nomás de 30 km de Uesca, s’alcuentra este machestuoso rezinto fortificau considerau como o castiello romanico millor conservau d’Europa. Levantau sobre un zinglo, ye formau por diversas edificazions, as más en buen estau de conservazión, entre las que podemos veyer-bi as murallas e torretons, a fortaleza, a torre de l’omenache u o mirador d’a reina (con espectaculars envistas sobre a sierra e os planos que s’ubren debán d’os suyos piez), amás d’atras dependenzias d’orichen monastico, como a ilesia u a cripta.
Construiu en o sieglo XI, fue pieza clau pa o rei Sancho III o Mayor en a reconquista cristiana d’esta Tierra Plana a os musulmans. A lo largo d’o periodo altomedieval o castiello de Lobarre, chunto con o zercano de Marcuello, ostentaban una importanzia estratechica fundamental dentro d’o sistema defensivo aragonés, debán a ferria posizión musulmana de Boleya.
A suya belleza, singularidat, buena conservazión e exzelén ubicazión han feito que resultara eslechiu en buena cosa d’ocasions como eszenario de peliculas e documentals, algunas tan universals como “O Reino d’os Zielos” dirichida por Ridley Scott.
Existe un Zentro de Rezepzión de visitans con servizio de cafetería, venda de recuerdos e informazión turistica. L’audiovisual sobre o castiello e a suya epoca aduya a o visitán a interpretar o suyo estratechico papel en l’abanze d’o Reino de Aragón enta o sud.
Templo gotico levantau sobre o emplazamiento de l’antiga mezquita mayor musulmana e mandau construir por Chaime I o Conqueridor en 1273. A portalada se falla profusamén esculpida e cubillada por un gran rafe tipico aragonés de fusta incorporau en o sieglo XVI. Muestra diferens estilos gotico primitivo en o cobaxo (s. XIII) e flamichero en o cobalto (s. XVI). Destaca a frontera por a suya sobrebuna decorazión, coronada por pinaclos. A puerta prinzipal posede siet arcos ochivals, cubiertos d’esculturas. En o timpano veyemos as imáchens d’a Virchen e o Nino. A Seu ye de planta de tres naus con cruzero e abside e a torre d’a frontera ye de base cuadrada e rematanza octogonal.
O conchunto interior tien una atmosfera diafana. As naus laterals, de menor altaria que la zentral, contienen 14 capiellas. Una d’as más destacadas ye a capiella d’o Rosario, con un retablo gotico, dende la que s’azede a la sagristía viella, e d’esta ta l’archivo catedralizio que alza libros incunables d’os sieglos XI a o XVI. Tamién son bien interesans as capiellas de Lastanosa -mezenas de Baltasar Grazián- e d’o Santo Cristo d’os Miraglos- cuya actuazión miraglosa, a finals d’o siglo XV, curó a peste d’a ziudat. Manimenos, una d’as piezas más valiosas ye o suyo Altar Mayor, que aculle un retablo renazentista de gran belleza (1520 e 1534), obra mayestra esculpida en alabastro por Damián Forment en o que se represienta a Pasión de Cristo.
Chunto a la Seu s’alcuentra o Museu Diozesano que ye instalau en l’antiga Claustra e Palazio Episcopal. Lo composan as salas d’orfebrería, en l’antiga Sala Capitular, a os piez d’o templo, e las d’arte medieval, renazentista e barroco, con azeso dende o cruzero.
Visita: de luns a sábado, de 10.30 a 14.00o. y de 16.00 a 19.00o., iempre que no bi aya zelebrazions en l’altar mayor. Domingos: cerrau a visitas (ubierta a o culto)
Existen visitas guiadas pa os grupos de 20 u más personas. (Conzertar en o museu diozesano)
Pre: Conchunto con visita a la seu, a o museu diozesano e a la torre.Tarifa cheneral: 4 €
Tarifa reducida 2 € para estudiantes, parados, mayores de 65 años, jubilados, niños hasta 16 años y grupos mínimo 20 pax.
Gratuito para niños menores de 12 años, religiosas y religiosos y miembros del ICOM (necesaria acreditación).
Dirección: Plaza de la Catedral, s/n 22002 Huesca
Teléfono: 974 231 099
Declarau Monimento Nazional en 1885, ye un puro exponén d’o romanico aragonés e una d’as dos choyas arquitectonicas d’o patrimonio monimental d’a ziudat e de l’Altoaragón. Situada en o casco antigo d’a ziudat, fue erichida sobre o que yera estau o templo d’o barrio mozarabe d’a ziudat musulmana. En 1117 fue donau a la orden benedictina e comenzoron as obras d’o monesterio baxo a traza romanica que ue podemos almirar.
Valioso ye o timpano d’a portalada norte. Muestra un crismón trinitario magnifico sucheto por dos ánchels de gran belleza. O crismón, elemento común en as ilesias romanicas aragonesas, ye o monograma de Cristo, que aquí s’acompaña d’as letras alfa e omega, primera e final de l’alfabeto griego, en referenzia a un Cristo que ye o Prinzipio e Fin de totas as cosas.
Poseye tres naus cubiertas con altas bovedas de cañón. A sillería d’o coro ye de 1506. E en o interior, pinturas francogoticas d’o sieglo XIII.
Uno d’os elementos más bellos e conoxius ye a suya claustra que data de 1149, encara que se restaura en o sieglo XIX. Descollan os labraus capitels romanicos, 18 orichinals e a resta fidels reproduzions realizadas en o XIX, d’os orichinals romanicos. Represientan a vida de Chesucristo, antimás d’atros motivos istoricos u alegoricos, destacando-ne o denominau “capitel d’a bailarina”, d’un movimiento de tot inusual pa la epoca de realizazión.
En a mesma claustra s’alcuentra a capiella de San Bertolomeu, que contien o Panteón Real, do reposan as restas d’os reis Alifonso I o Batallero e Ramiro II o Monche, autor d’a cruenta lechenda medieval d’A Campana de Uesca.
Boleya, situada sobre un tozalón que creba o paisaje e domina o plano, luz en o suyo punto más altero a Colechiata de Santa María. Apillocadas alredor d’ella una envista susegada d’as casas que se multiplican por a vertién d’a costera posterior mirando-se enta o pico Gratal, Boleya dexa palpiar en un paseyo por as suyas carreras a suya rica istoria. Fue posesión romana, denominada allora, 'Calagurris Fibularia' e posesión musulmana, clamada a 'Buluya' dica que o rei Pietro I en l’año de 1101 la incorpora a o reino cristiano d’Aragón.
A colechiata se construyó por Pedro de Irazábal entre 1541 e 1559. O edifizio actual fue construiu sobre l’antigo templo romanico d’o sieglo XII, d’o que se conserva a cripta baxo o presbiterio, o muro de cabezera e a torre campanal. Posei tres naus separadas por un variau repertorio de pilars fasziculaus de capiellas d’o sieglo XII que dimanan d’un antigo castiello fortaleza arabe, resultando tot o templo d’a misma altura e fendo un efecto luminoso e diafano que sorprende gratamén.
Pero a choya más valiosa d’este templo ye o retablo de l’altar mayor. Una obra mayestra que combina escultura e pintura d’o XVI (1490 e 1503), en gotico mudéchar, pertenexendo a l’anterior templo. Se composade 20 tablas pintadas a o temple e 57 tallas en madera policromada, de ziprés, noguera, ziresera e pín de Flandes. Destacan as pinturas realizadas por o conoxiu como Mayestro de Boleya. Boleya, que presienta importans novedaz en l’arte pictorico español d’a epoca proveniens d’influenzias flamencas e italianas, como a expresión d’o sentimiento d’os personaches, o dominio d’o espazio e d’a perspectiva, a iluminazión u o sompreau. Ye espezialmén exzepzional o coloriu, en ampla gama de royos e verdes, original de tot.
Antimás d’atros muitos retablos que atresora o templo, ye inevitable aturar a mirada en a envista d’a Foya que dende allí se tien, dexando que a istoria s’azerque a os nuestros uellos, restos d’o pasau romano e arabe d’estas tierras sobre los que suzesivas chenerazions levantoron atras construzions.
A Colechiata permanexerá zarrada en os periodos vacazionals:
Verano: de l’1 a o 15 de chuliol.
Ibierno: d’o 15 a o 31 de deziembre.
E os días 1 de chinero e o día de VIERNES SANTO.
