Barranquismo

Potenzia fisica e contacto con a naturaleza

O BARRANQUISMO ye un esporte que combina a la perfezión a potenzia fisica, o contacto con a naturaleza e as experienzias a o limite. Consiste en devallar por una corrién de agua sortiando os multiples obstaclos naturals que nos trobamos a o nuestro paso (saltos, rocas, gorgas, escalar parez...). Esta actividat, divertida e emozionán, recorre os trampos más espectaculars e bonicos de rius e barrancos que en a Plana de Uesca se localizan en a zona de Guara e d’o Reino d’os Mallos.

En a nuestra comarca contamos con empresas e profesionals que pueden aduyar-te a disfrutar d’este esporte. Por favor, deixa-te aconsellar siempre por profesionals e respeta a normativa e midas de seguranza pa a practica d’este esporte.

Datos d’interés

FEDERACIÓN ARAGONESA DE MONTAÑISMO (F.A.M.).

Albareda, 7, 4º-4ª, 50004 Zaragoza

Tel: 976 22 79 71 // Fax: 976 21 24 59

Correu-e: [email protected]

Web: www.fam.es

Barranquismo en Guara

Por a singular orografía d’o territorio que ocupa o Parque, uno d’os prinzipals atractivos son os suyos cañons e barrancos. L’agua ha modelau os extraordinarios cañons d’os rius Flumen, Guatizalema, Calcón, Forniga… e permite de practicar o barranquismo en toz os suyos nivels de dificultat (fázil, meyo e difízil).

Barrancos muito conoxius, toz aptos para o deszenso, como As Palomeras d’o Flumen, entre as Peñas de San Miguel e Amán, en o pantano de Zienfuens. Lenars, Estreitos de Carruaca (en a rama oriental), as Gorgas (situau denzima d’o Salto de Roldán, en una bonica val) e Cabezera de San Martín d’a Val d’Onsera. En a cuenca d’o riu Guatizalema, en os arredols de Vadiello, destacan os d’A Canaleta, as Cuevas d’A Reina, A Foratata, San Chinés, As Lazas (muit tecnico e más en linia con a escalada que con o barranquismo), Escomentué (en os Mallos de Ligüerri, ye o millor d’a cuenca), Canal d’O Palomo (profundos estreitos e pozas)…. A la finitiva, b’ha multitú de posibilidaz para eslechir dó descargar l’adrenalina.

Consulta antes d’ir-bi tota a informazión sobre normativas, permisos e zonas de practica d’o barranquismo. A practica d’este deporte ye regulada por o periodo en que as aves fan a suya puesta e cría. As empresas de turismo activo d’a Plana de Uesca son a o tuyo servizio pa asesorar-te u aduya-te en a realizazión d’esta actividad. Ye recomendau d’ir con guías expertos.

Barranco d’o Forniga

Barranco de San Martín d’a Val d’Onsera

Estreitos d’O Gorgonchón

Barranquismo en Riglos - Lobarre e Gratal

Os barrancos e fozes son abundans. Amás d’o Moliniello e as Gorgas de San Chulián, os barrancos d’o Peiró en Arguis, l’afluén d’as Gorgas de San Chulián e o barranco Feners en Nueno, o barranco de Riglos, o de San Cristóbal en Boleya, Peña Arruaba en Murillo de Galligo u Aguacai en Salinas de Chaca acompañan a la Foz de Rasal como infraestructuras naturals pa a practica del barranquismo e a escalada tradizional u por vías ferratas.