Experienzias aluzinans a l’alcanze de toz

A cheografía d’a Plana de Uesca se presta a multiples actividaz esportivas pa realizar con os piez en tierra. Entre las más practicadas en a comarca nuestra destaca a escalada, que ye muito conoxida por os enclausdo se realiza, os mallos.

As millors vías las alcontrarás en os Mallos de Riglos, d’Agüero, de Vadiello (en o Parque Natural de Guara) e en as multiples Vías ferratas que emos condizionau, como Peña Arruaba, Riglos e Canal d’o Palomo.

Dende a comarca A Plana de Uesca recomendamos que t’informes bien sobre a vía que quieres escalar e que t’asesores por profesionals. Respeta totas as normas de seguranza pa que puedas disfrutar d’a tuya estacha e d’este esporte. No olbides que o casco ye asaber que importán, asinas como conservar a naturaleza a o tuyo paso e cumplir a normativa. Consulta con a Federazión Aragonesa de Montañismo.

Datos d’interés

FEDERACIÓN ARAGONESA DE MONTAÑISMO (F.A.M.).

Albareda, 7, 4º-4ª, 50004 Zaragoza

Tel: 976 22 79 71 // Fax: 976 21 24 59

Correu-e: [email protected]

Web: www.fam.es

Escalada en os Mallos de Riglos

Os mallos de Riglos son conoxius amplamén por toz os afizionaus a la escalada. Sin duda, este eszenario ye idonio pa la practica d’este esporte por estar formau por parez de conglomerau de más de 300 metros de vertical, que a prinzipal caracteristica son os “bolos” , que son o prinzipal emparo pa os escaladors.

Os diferens sectors d’escalada en Riglos son: O Firé, o Zirco de Verano, O Pisón, O Puro, O Mazizo de Pisón, Os Volaus, O Cuchillo, O Melchor Frechín, A Visera, Os Mallos Chicos e os Boulders de Riglos.

Cuenta con unas 200 vías d’entre 200 e 300 m, fuera d’a zona de cantillos e d’os mallos chicos, do apenas supera os 100 m. L’azeso dica a zona d’escalada de cualsiquiera d’os sectors ye o lugar de Riglos.

Ye aconsellable que t’asesores por profesionals pa disfrutar d’esta actividat e contactes con empresas de turismo activo d’a comarca.

Escalada en o Parque de Guara

En a zona d’o entibo de Vadiello existen multiples zonas d’escalada, en os clamaus Mallos de Ligüerri. En a parte zurda d’o entibo: con azeso dende a carretera de Vadiello, “Paret d’o Entrenamiento” (u Mallo d’os Pepes), Paternoi, O Puro, Mallo San Chorche, A Nitra, A Trunfa, Paret d’o Elefán, Espolón d’a Flecha, Crencha d’O Borón e Agulla Mummery, asinas como atros sectors d’escalada esportiva de vías curtas. En a parte dreita d’o entibo se sitúan: Uevo de San Cosme, Mallos Quillán e Punta Negra e A Pedricadera.

En o Parque puez alcontrar vías ferratas condizionadas, entre ellas a Canal d’o Palomo, tamién en Vadiello.

No olbides de consultar a normativa sobre escalada en o Parque e en Aragón. Asinas mesmo t’aconsellamos que t’asesores por profesionals pa disfrutar d’esta actividat.

Pa mayor informazión, contactar con o Parque:

Informazión: Av. de la Paz, 5. Huesca.

Tlf contacto: 974 293392

Tlf reservas: 974 230196