A Plana de Uesca ye una d’estas arias e ya en epocas remotas se i feba esa machica transformazión d’a uga en vino. O pasau vinicola d’a comarca permanex en a memoria e o presén ha feito que aquel antigo ofizio cobre una mayor dimensión en os viñers d’estas tierras. Agora perdura más que nunca.

En l’actualidat ueito son as bodegas que operan en este territorio. E lo son fendo desde no fa guaire tiempo. En poco más d’una década o treballo d’estas firmas ha feito que o Vino d’a Tierra Ribera d’o Galligo-Zinco Villas se contemple con una mescla d’interés e almirazión en identica proporzión.

Part d’a Plana de Uesca ye dentro d’as buegas d’una d’as seis zonas de Vino d’a Tierra que existen en Aragón: a Ribera d’o Galligo-Zinco Villas. En o que a o territorio laurentino fa referenzia esta zona protechida abraca os munizipios d’Agüero, Alcalá de Gurrea, Almudébar, Ayerbe, Biscarrués, Gurrea de Galligo, A Sotonera, Lobarre, Os Corrals e Lopiñén-Ortilla. A pesar de que no en toz se cautiva e s’elabora vino, sí se fa –e con sobrebuens resultaus– en Murillo de Galligo, en Ayerbe, en Morán e en Almudévar.

Totas as bodegas que operan en este territorio tienen a la suya disposizión un catalogo varietal que va de zepas tradizionals como puedan estar macabeu e garnacha blanca –en uvas blancas– e moristel, tempranillo, mazuela e garnacha –en tintas– a atras introduzidas d’orichen franzés: a blanca viognier e as tintas cabernet-sauvignon, merlot e syrah. A partir d’este patrimonio, que abita en uns viñers no masiau extensos pero sí bien chestionaus, estas bodegas con nombre e apellidos construyen una serie de vinos que van de blancos frescos, acaramullaus de choventut, dica laminers e aromaticos rosaus. Localizar tintos de mayor u menor edat e intensidat ye fázil, prou que sí, e mesmo alguna que atra rareza que, en Aragón, en pocas ocasions se’n troba.

A bodega situada más a o sud d’a Plana de Uesca ye a Bodega Virgen de la Corona, en Almudébar, que inizió a suya andadura en 2005 con a primer vendema. Esta empresa zentra toz os suyos esfuerzos en a variedat garnacha e con ella elabora tres vinos baxo a marca chenerica Aixena. D’as cuatre firmas vitivinicolas, la d’Almudévar ye la que queda difuera d’o zerclo d’o Reino d’os Mallos ya que a resta d’as bodegas s’alcuentran a muit poca distanzia unas d’atras. E totas chunto a las aguas d’o riu Galligo.

Bodegas e Viñedos Edra, zerca d’o casco urbano d’Ayerbe, ye una d’as pioneras en esta tierra ya que a suya cronolochía empezipió en 1999 con a plantazión d’o viñero, continuó en 2004 con a construzión d’a bodega e culminó dos años más tarde con a primer comerzializazión d’uns vinos de corte moderno, estructuraus e con una azentuada personalidat.

Seguindo o rumbo que perfilan viñas e viñers o siguién proyecto en aparexer fue Pegalaz, una moderna bodega ubicada en Morán, en un edifizio con vistas a os Mallos de Riglos. E ye una d’estas granizas rocas la que baltiza a la suya unica marca: Firé.

Bodegas

 
 
Edra Bodegas y Viñedos, S.L.

Ctra. A-132, km 26. 22800. Ayerbe (Uesca). | Tel.: 974 380 233.
www.bodega-edra.com | edra@bodega-edra.com 


Bodega Pegalaz, S.L.

Ctra. A-1202, km 7. Desvío ermita Santa Quitera. 22806. Santa Eulalia de Gállego (Zaragoza). | Tel.: 625 643 440
www.pegalaz.com 


Bodega Lasierra, S.L.

Baxa, 12. 22133. Bespén (Uesca). | Tel.: 974 260 365/652 791 187.
www.bodegaslasierra.es | info@bodegaslasierra.es 


Bodega Bespén Vinos, S.L.

Baxa, 4. 22133. Bespén (Uesca). | Tel.: 646 779 926.
www.bespenvinos.com | sentif@bespenvinos.com


Bodegas Valdovinos, S.L.

Camín de la Almunia, s/n. 22133. Antillón (Uesca). | Tel.: 974 260 437/974 260 147.
www.bodegasvaldovinos.com | info@bodegasvaldovinos.com 


Bodega Aixena

Cooperativa Virgen de la Corona. Avda. d'o Cooperativista Samper, s/n. 22270. Almudévar. (Uesca). | Tel.: 974 250 000
www.covico.es | info@covico.es 


Bodegas Roico

Carrera Pena 11. Lupiñén. (Uesca). | Tel.: 974 270 151


** Zentro d’interpretazión d’a vite, as bodegas e o vino “El Bodegón”
 en Almudévar. Tel. 974 250 002

 

FaLang translation system by Faboba