Bella zita que no cal perder-se:
Boleya e a suya Feria d’a Ziresa
Bolea e o suyo entorno de cautivo crea –entre os zaguers días de mayo e os primers de chuño– uno d’os espectaclos efimers más enluzernadors d’a primavera en a Plana de Uesca. Os suyos responsables son as zireseras, as flors d’as cuals tintan de blanco una extensión de más de 60 ha. Este munizipio ye capaz de cullir alredor de 400.000 kilos de ziresas cada año e, chusto pa la fuga d’a cullita d’as distintas variedaz, se zelebra la Feria d’a Ziresa. O domingo más proximo a o 13 de chuño a plaza Mayor de Boleya aculle numbrosas paradetas en as que se comerzializan más de 30 variedaz de ziresa. A más apreziada ye a “garrafal de Monzón” u “garrafal de Napoleón”. Asinas que si bel viachero quiere fer coinzidir a suya escapada con esta feria, que sepa que esta clase de ziresas tamién se conox en a zona con o nombre de “morrovaca”.
Feria Micolochica d’Ayerbe
Aragón ye tierra de fongos e a Plana de Uesca aporta bella cosa más que un insignificán granet d’arena. L’abundanzia micolochica d’algunos d’os suyos racons fazió que en Ayerbe, e dende 1990, se crease una d’as más prestichiosas ferias adedicadas a estas choyas en tota a comunidat.
O zaguer cabo de semana d’octubre se zelebra una feria –incluida en o calandario ofizial de Ferias d’Aragón–, en la que s’exposan más d’un zentenar d’espezies clasificadas por expertos micologos d’a zona. Pero, amás, a lo largo d’as tres chornadas d’a feria se desenrolla un intenso programa d’actividaz que contempla salidas guiadas ta o mon, charradas e ponenzias, cursos de cozina, degustazions e atras muitas.
Concursos de Tapas Plana de Uesca
En o mes de noviembre, a lo largo de diez días, numbrosos restaurans e bars d’a Plana de Uesca proposan tapas imachinativas e con productos locals para sorprender a os nuestros paladars, en un concurso ya veterano con autentico ambién festero.
