O Parque de Uesca fue inaugurau en 1930. Leva o nombre de Miguel Serveto en memoria d’o ilustre teologo e pensador aragonés, naxiu en Villanueva de Sixena. Amás de puesto d’ozio e disfrute, o parque ye un extraordinario chardín botánico. I puez conoxer arredol de 80 espezies d’árbols e maticals: platanero, castañera d’Indias, ziruello, ziprés, pin carrasco, magnolio, salz, cardonera, tillera, chopo, tuya, entre atras. Bella rareza li confiere gran singularidat: un unico exemplar de zurera, un curioso árbol de Chúpiter e tamién un rarizo Ginkgo biloba, una espezie sagrada d’o budismo, asoziada a la lonchevidat, reconoxida como un fósil vivién –se son trobadas fuellas fósils de ginkgo de más de 270 millons d’años–. No te pierdas bel monimento d’o parque como “As Paxaricas”, realizadas por Ramón Acín en 1929 como una evocazión abanguardista a la papiroflexia, verdadero simbolo d’a ziudat; u a casa de Blancanieu, reproduzión d’a morada d’os siet nanez, en o interior d’a cual s’ha condizionau una ludoteca.

 

map1

 

FaLang translation system by Faboba