Una ferramienta pa conoxer os monimentos d’A Comarca

A Plana de Uesca atresora un patrimonio cultural tan rico e diverso como a suya propia istoria. Dende grans castiellos medievals a casas infanzonas, dende ilesias e monesterios a amagadas armitas rupestres, dende puens de gran envergadura a fuens e pozos de chelo. Esta diversidat posibilita satisfer l’apetito cultural de cualsiquier persona que visite esta comarca altoaragonesa. Esta senzilla ferramienta d’enzerca permitirá descubrir nuevos recursos patrimonials e obtener una completa informazión sobre os monimentos e biens d’interés que son situaus en a Plana de Uesca. As campañas d’inventario d’o patrimonio incorporan periodicamán nuevas entradas, enriquexen as imáchens e actualizan os datos, pa dar forma a un resorte tan adecuau pa o investigador que deseya obtener as primeras informazions como para o turista que opta por confezionar una ruta personalizada e adaptada a os suyos intereses. Pa azeder a o Enzercador de Patrimonio Plana de Uesca puncha AQUÍ: