Teito d’o Prepirineu
A punta más alta de Guara e de tot o Prepirineu, alcanzando 2.077 metros. Se li conox como Tozal u Puntón de Guara.
Rodiau de cuantas puntas calsinosas, ye esnabesau por montañers a lo largo de tot l’año. Ye posible realizar una aszensión, con bellas 4 oras para l’aszenso e bellas 3 pa o deszenso, tanto por a cara norte (dende a val de Nozito) como por a cara sud (desde Tellería-Fabana u Santa Zilia de Panzano), dica a suya soberbia tuca. O suyo puntón suposa un mirador exzepzional dende do atalayar a cordillera pirinenca, as sierras ibericas, u os impresionans planos d’a Plana de Uesca que deszienden dica a val de l’Ebro.
O contrastau relieve d’este Parque ufre una flora variada, que en a vertién norte presienta caixicos, pins silvestres e negros e chicoz fayars, en contraste con a vertién sud, an que predomina o bosque mediterranio de carrascal e de pin silvestre. Por atra part, os buxicars e arizonars abundan por tot este espazio natural.
