A unión de dos factors, como son o mosaico d’ambiens d’a Plana de Uesca que configura enormes posibilidaz de paisaches e abitats pa as aves por un costau, e l’abundanzia de zonas protechidas, como as ZEPAs (zonas d’espezial protezión pa as aves), seis en total, por atro, atorga a esta comarca un prestichio nazional e internazional en cuanto a turismo ornitolochico.
Dentro d’os barrancos calsinosos d’A Plana mora una d’as mayors conzentrazions de aves rupicolas de tota Europa, e dentro d’éstas, una nutrida presenzia d’aves rapazes, aves éstas carnivoras, reconoxibles por o suyo pico reganchau e as suyas garras fuertes e embanadas.
As más relevans son os vutres por o suyo numbro, e o cluxiuesos por estar una espezie en vías d’extinzión (amás, ye l’unico ave d’a planeta que s’alimenta de uesos) que aquí disfruta d’uno d’os pocos reductos europeus en que encara i permanex.
A sierra de Guara e o denominau Reino d’os Mallos han esdeveniu verdaders paradisos pa a observazión de rapazes rupicolas. Voletas, vutres, alicas, o zitau cluxiuesos u esparvero blanco.
Sobre os zielos d’os conglomeraus e barrancos que traviesan a comarca se pueden distinguir as caracteristicas siluetas de cada una d’estas grans rapazes, planiando con maestría a mercé d’as corriens d’aire.
En diferens puntos d’A Plana se son abilitaus espazios, tanto zarraus como a l’aire libre, que constituyen verdaders observatorios pa o disfrute e estudio d’estas aves. Puez alcontrar-los en as localidaz de Riglos e en Santa Zilia de Panzano.
Antiparte d’aves rapazes, as aves limicolas tienen o suyo abitat en os umedals d’o plano d’a Plana: os umedals d’a Laberca de Valdabra, la de Loreto e la de Cortés, en Chimillas, totas a escasos kilómetros a o sud de Uesca, e más que más o conchunto d’a Laberca d’Alboré e o entibo d’a Sotonera, estas zagueras cubillando amás una importán poblazión de grudas, en estar o descansadero más próximo a la cordillera pirinenca.
Folletos descargables:
Zonas de observación:
AZESO: A Foz de Salinas, dende Villalangua, prener camín por dezaga d’a ilesia e baxar ta o riu. Ye siñalizado. A endrezera plega dica Agüero travesando a Osqueta u “W” (entre Salinas de Chaca e Agüero)
Vutre
Esparvero
Falcón
Bubón
AZESO: Dende a localidat d’A Peña, por a senda siñalizada.
Vutre
ACCESO: Los Mallos están detrás del pueblo.
Alimoche Buitre Leonado
QuebrantahuesosMilano Real Halcon Peregrino Búho Real
Chova Piquiroja
AZESO:Existen cuantas zonas en Riglos, amás d’os mallos, relazionaus con a observazión d’aves:
Zentro d’interpretazión de aves carnuzeras ARCAZ, en o lugar de Riglos. Cuenta con mirador acristalau pa observar aves e vidiocamaras.
Mirador d’os vutres: envista sobre os mallos e vutreras de Riglos. Se i plega por senda que ranca d’o Castiello de Marcuello, a o que s’azede por pista dende Sasamarcuello u bien por senda dende o lugar de Linars de Marcuello.
En Riglos, o edifizio, proyectau por José Miguel Sancho, ye integrau en o suyo entorno e ye azesible en silla de ruedas. Rodiau d’o magnifico parache que composan os Mallos de Riglos, o zentro Arcaz, de más de 700 m2, interpreta una d’as más numbrosas colonias de vutres d’Europa.
Tres plantas, diversas salas, un espazioso hall con una reproduzión d’os Mallos e un mirador acristalau pa observar os farallons en primera linia, chunto con una sala auditorio dende do se pueden veyer imáchens en directo emesas por dos vidiocamaras ubicadas chunto a os niedos, en o parache conoxiu como Arcaz, son os recursos d’o zentro.
Voleta Vutre Cluxiuesos
Alica crabiteraEsparvero Falcón Bubón Chola Piquiroja
