A unión de dos factors, como son o mosaico d’ambiens d’a Plana de Uesca que configura enormes posibilidaz de paisaches e abitats pa as aves por un costau, e l’abundanzia de zonas protechidas, como as ZEPAs (zonas d’espezial protezión pa as aves), seis en total, por atro, atorga a esta comarca un prestichio nazional e internazional en cuanto a turismo ornitolochico.
Dentro d’os barrancos calsinosos d’A Plana mora una d’as mayors conzentrazions de aves rupicolas de tota Europa, e dentro d’éstas, una nutrida presenzia d’aves rapazes, aves éstas carnivoras, reconoxibles por o suyo pico reganchau e as suyas garras fuertes e embanadas.
As más relevans son os vutres por o suyo numbro, e o cluxiuesos por estar una espezie en vías d’extinzión (amás, ye l’unico ave d’a planeta que s’alimenta de uesos) que aquí disfruta d’uno d’os pocos reductos europeus en que encara i permanex.
A sierra de Guara e o denominau Reino d’os Mallos han esdeveniu verdaders paradisos pa a observazión de rapazes rupicolas. Voletas, vutres, alicas, o zitau cluxiuesos u esparvero blanco.
Sobre os zielos d’os conglomeraus e barrancos que traviesan a comarca se pueden distinguir as caracteristicas siluetas de cada una d’estas grans rapazes, planiando con maestría a mercé d’as corriens d’aire.
En diferens puntos d’A Plana se son abilitaus espazios, tanto zarraus como a l’aire libre, que constituyen verdaders observatorios pa o disfrute e estudio d’estas aves. Puez alcontrar-los en as localidaz de Riglos e en Santa Zilia de Panzano.
Antiparte d’aves rapazes, as aves limicolas tienen o suyo abitat en os umedals d’o plano d’a Plana: os umedals d’a Laberca de Valdabra, la de Loreto e la de Cortés, en Chimillas, totas a escasos kilómetros a o sud de Uesca, e más que más o conchunto d’a Laberca d’Alboré e o entibo d’a Sotonera, estas zagueras cubillando amás una importán poblazión de grudas, en estar o descansadero más próximo a la cordillera pirinenca.
Folletos descargables:
Zonas de observación:
AZESO: A parte meridional d’A Plana de Uesca tamién cuenta con una ZEPA, en o entorno d’as localidazde Pirazés e Tramazet, por a carretera A-131 con esbarro en Sesa e entre Novals e Albero Alto.
AZESO: Ta o cobalto d’os mallos s’azede en coche por a carretera que une Sabayés con Santolarieta. En l’aparcadero veremos informazión sobre as Peñas San Miguel e Amán.
Ta o cobaxo d’os mallos, dende San Chulián de Banzo, a piet.
VutreACCESO: Desde San Julián de Banzo hay una senda, de unas 5 horas a pie, ida y vuelta, que sube por el barranco. Desde el collado de San Salvador se observa un gran número de buitres.
Buitre Leonado Halcon Peregrino Búho Real Chova Piquiroja
AZESO: A zona constituida por os mallos e o entibo de Vadiello ye sulcada por distintas sendas siñalizadas que parten d’o entibo e a presa d’o mesmo.
Alica crabitera Vutre Voleta
Cluxiuesos Falcón Bubón Chola piquirroya
